عبد الحق العبوبي
أثار المسلسل المغربي “رحمة” موجة كبيرة من الجدل على مواقع التواصل الاجتماعي بسبب بعض المشاهد التي وصفها الجمهور بـ”الجريئة” و”غير اللائقة”، مما جعل العديد من المشاهدين يعبرون عن استيائهم، مطالبين بضرورة احترام الهوية الثقافية والأخلاقية للمجتمع المغربي.
المسلسل، اللي كيتعرض على قناة “MBC 5″، السعودية، كيدور حول قصة اجتماعية درامية، ولكن بعض المشاهد اللي فيها جرأة زايدة خلّات الناس يقولو باللي العمل خرج على الطابع اللي كان منتظر منه.
على الفايسبوك وإنستغرام، تعالت أصوات المغاربة اللي اعتبروا هاد المشاهد ما كتناسبش مع قيم المجتمع، وخا كاين اللي كيشوف أن السينما والتلفزة عندهم الحرية فالتعبير، وما خاصش يكون عليها قيود بزاف.
من جهة أخرى، رد بعض صناع العمل على هاد الانتقادات، وقالو باللي المشاهد اللي تدارو عندهم سياق درامي وماشي بغرض الإثارة فقط، وزادو بأن أي عمل تلفزيوني غادي يلقى انتقادات سواء كانت إيجابية ولا سلبية.
بالمقابل، كاين اللي كيدافع على حرية الإبداع وكيقول أن التلفزة كتقدم محتويات متنوعة وكل واحد عنده الحق يختار شنو يشوف،
بقى السؤال مفتوح: واش هاد النوع ديال المشاهد كيضيف للعمل الدرامي فعلا، ولا كيدير غير الجدل باش يجلب الاهتمام؟